Astana Hub-тың Instagram аккаунтында жарнамалық пост жариялап, IT мамандары, стартаптар және технология энтузиастары кіретін ерекше аудиториямен байланысыңызды нығайтыңыз. Аккаунттың ай сайынғы қамтуы 500 000-нан 600 000-ға дейін пайдаланушыны құрайды, бұл сіздің жарнамаңыздың тиімділігі мен нысандылығын арттырады.

Astana Hub-тың қызметіне сәйкес келетін және Қазақстан Республикасының IT саласын дамытуға бағытталған жобаларды, іс-шараларды және бағдарламаларды қолдаймыз. Бұл — өзіңіздің өніміңізді, қызметіңізді немесе іс-шараңызды технологиялар мен инновацияларға қызығушылық танытатын адамдарға таныстырудың тамаша мүмкіндігі.

Жариялау шарттары:

1. Публикация тілі:

Материалдар қазақ және орыс тілдерінде дайындалуы керек. Сондай-ақ, ақпаратты ағылшын тілінде жариялауға болады.

2. Тақырыпқа сәйкестік:

Контент IT индустриясына, инновацияларға, білімге немесе стартаптарды қолдауға қатысты болуы керек. Олар мыналар болуы мүмкін:

- Іс-шаралар мен жобалардың анонстары;

- Компаниялардың жаңалықтары мен жетістіктері;

- IT өнімдер мен қызметтер туралы ақпараттық материалдар;

- Технологияларды дамытуға байланысты әлеуметтік бастамалар.

3. Заңнаманы сақтау:

Материалдар Қазақстан Республикасының заңдарын бұзбауы тиіс және:

- Тыйым салынған контентті қамтымауы тиіс;

- Дискриминацияны, зорлық-зомбылықты немесе әдепсіз мінез-құлықты насихаттамауы тиіс;

- Жалған ақпарат таратпауы және пайдаланушыларды адастырмауы тиіс.

4. Astana Hub саясатына сәйкестік:

Контент Astana Hub-тың ішкі саясатына сәйкес болуы керек, соның ішінде:

- Кәсіби этика және іскерлік коммуникация нормалары;

- Білім беру, инновациялық және технологиялық контентке баса назар аудару.

5. Өтінімге қойылатын талаптар:

Байланыс тұлғалары туралы шынайы сілтемелер мен ақпарат ұсыну;

Посттың дизайны бойынша Figma файл ұсыну, біз оны фирмалық стильге бейімдейміз;

Публикация серіктестік пост ретінде белгіленеді.

6. Публикация форматы мен құрылымы:

Материал:

- Көрнекі және тартымды болуы, графика немесе фото қамтуы тиіс;

- Айқын әрі ақпараттық мәтінмен толықтырылуы тиіс.

7. Модерация процесі:

Әр өтінім мұқият тексеруден өтеді. Astana Hub материалдарды мына жағдайларда қабылдамау құқығын өзіне қалдырады:

- Astana Hub ішкі саясатына қайшы келгенде;

- Қазақстан Республикасының заңнамаларын бұзғанда;

- Кәсіби этика және іскерлік коммуникация нормаларын бұзғанда;

- Үшінші тараптардың құқықтары мен мүдделеріне қайшы келгенде.

Astana Hub-тың Instagram аккаунты — сіздің жобаңызды немесе идеяңызды ілгерілету үшін IT-қоғамдастықтың кең аудиториясына қол жетімді тиімді алаң!