Astana Hub-тың LinkedIn аккаунты халықаралық IT қауымдастығымен, серіктестермен, инвесторлармен және технология энтузиасттарымен байланыс орнатуға арналған алаң. Мұнда өз контентіңізді жариялай отырып, жаңалықтар, мақалалар, аналитикалық материалдар немесе табысты оқиғаларыңызды кең кәсіби аудиторияға таныстыра аласыз.

Не жариялауға болады?

Біз келесі мазмұндағы контентті қабылдаймыз:

- Жаңалықтар мен мақалалар: IT және инновацияларға қатысты өзекті жаңартулар;

- Аналитика және зерттеулер: Терең аналитикалық материалдар мен есептер;

- Білім беру контенті: Технологиялар саласында білімді дамытуға арналған пайдалы материалдар;

- Табысты оқиғалар: Сіздің кәсібилігіңіз бен жетістіктеріңізді көрсететін кейстер;

- Әлеуметтік бастамалар: IT және инновацияларды дамытуға қолдау көрсететін жобалар;

- Іс-шаралар туралы ақпарат: Конференциялар, көрмелер мен іс-шаралардың анонстары.

Контент орналастыру шарттары:

1. Жариялау тілі:

Барлық материалдар халықаралық аудиторияны қамту үшін ағылшын тілінде дайындалуы керек.

2. Тақырыпқа сәйкестік:

Контент IT, инновациялар немесе технологиялық дамуды қолдайтын ілеспелі бағыттарға байланысты болуы тиіс.

3. Заңнаманы сақтау:

Материалдар жалған немесе жаңылыстыратын ақпаратты қамтымауы керек.

Жарияланымдар Қазақстан Республикасының заңдары мен халықаралық нормаларын бұзбауы керек.

4. Astana Hub ішкі саясатына сәйкестік:

Контент кәсіби этиканы көрсетуі, оң имиджді қолдауы және іскерлік коммуникация стандарттарын сақтауы тиіс.

5. Өтінімге қойылатын міндетті талаптар:

Байланыс тұлғалары туралы сенімді сілтемелер мен ақпарат ұсыну.

Пост дизайнының Figma файлын ұсыну, біз оны фирмалық стильге бейімдейміз.

Жарияланым серіктестік пост ретінде белгіленеді.

6. Формат пен сапа:

Материалдар жариялау үшін көрнекі және мәтіндік тұрғыдан ресімделуі тиіс.

Контент бірегей және түпнұсқа болуы керек.

7. Өтінімдерді модерациялау:

Барлық өтінімдер жоғарыда көрсетілген талаптарға сәйкестігін қамтамасыз ету үшін модерациядан өтеді. Біз тақырыпқа немесе сапа стандарттарына сәйкес келмейтін материалдарды қабылдамау құқығын өзімізде қалдырамыз.

Astana Hub LinkedIn аккаунты – бұл халықаралық нарықтағы позицияңызды нығайту және жаһандық қауымдастықтың назарын аударту үшін сіздің қадамыңыз!